Бугун, 4 июнь куни соат 04:12 да пойтахтимизнинг Яшнобод тумани, Паркент кўчаси 327-уйда жойлашган «Карвон Йўли» хусусий корхонасига қарашли битум эритиш бассейнида ёнғин келиб чиққан. Бу ҳақда Тошкент шаҳар Фавқулодда вазиятлар бошқармаси хабар берди.
Ёнғин натижасида 600 кв.м майдонда эритма сақич (битум) ёнган. Ёнғин-қутқарув жанговар бўлинмалари манзилга соат 04:22 да етиб борган ва кўрилган тезкор чоралар натижасида ёнғин соат 06:05да тўлиқ бартараф этилган. Ёнғин жойига 7 та ёнғин-қутқарув техникаси жалб қилинган.
Маълум қилинишича, ёнғин сабаблари ва ёнғиндан келтирилган моддий зарар миқдори аниқланмоқда.