«Ён қўшнилар билан ўйин қизиқарли ва шиддатли ўтишини кутяпман» – Вадим Абрамов Ўзбекистон-Тожикистон ўйини ҳақида

«Ён қўшнилар билан ўйин қизиқарли ва шиддатли ўтишини кутяпман» – Вадим Абрамов Ўзбекистон-Тожикистон ўйини ҳақида

Ўзбекистон ҳамда Тожикистон миллий жамоалари ўртасидаги ўртоқлик учрашувидан олдин миллий жамоамиз бош мураббийи Вадим Абрамов ўйин борасидаги фикрлари билан ўртоқлашди.

«Узоқ танаффусдан кейин миллий жамоа тўпланиши ҳар доим ёқимли бўлган. Бу йиғинимизда бош жамоамизнинг келажаги сифатида кўрилаётган аксарият футболчиларни ҳам чақирганмиз. Машғулотларда янгиланган таркибни кўрикдан ўтказяпмиз. Уларнинг аксарияти Ўзбекистон ёшлар, олимпия ёки миллий жамоасида ҳали чақирилмаганди. Бу сафарги таркибимиздан хориждаги футболчилар ва «Пахтакор» ўйинчилари йўқ. Шу боис миллий жамоа таркиби легионерларсиз янгиланди.

Бугун Ўзбекистон ва Тожикистон футболчилари «Rahmat!» ёзуви туширилган футболкада майдонга тушади

Тожикистон миллий жамоаси рейтингдаги ўрнидан қатъий назар биз учун принципиал рақиб саналади. Ҳар ҳолда ён қўшнилар билан ўйин қизиқарли ва шиддатли ўтишини кутяпман. Адашмасам, сўнгги марта айнан менинг қўл остимда 2012 йилда Тожикистон билан ўйин ўтказгандик. Орадан 8 йил ўтди. Кўрамиз, йиллар ўтиб қўшниларимиз ва биз қай даражада ўзгарган эканмиз. Қўшни миллий жамоа билан яхшироқ танишиб, ўйинларини кузатиш ҳам қизиқ бўлади», - дейди Вадим Карленович ЎФА матбуот хизматига.

Эслатиб ўтамиз, ушбу баҳс бугун, 3 сентябрь куни Тошкентдаги «Локомотив» стадионида ўтказилади. Учрашув соат 19:00да бошланиб, «Спорт» ТВ орқали трансляция қилинади.