Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Юрген Клопп: Бу – «Сити»ни мағлуб этишнинг ягона йўли
11.11.2019 10:14,  
558

«Ливерпуль» бош мураббийи Юрген Клопп АПЛнинг 13-туридан ўрин олган «Манчестер Сити»га қарши ўйиндан сўнг ўз фикрлари билан ўртоқлашди.

«Рақиб кучли эди, биз бор кучимиз билан ҳимояланишимиз керак эди. Ажойиб голлар урдик. Қийин ўйин бўлди. Стерлингни маълум вақтга қадар тўхтатиб турдик. Агар унга қарши ҳимояланишни тўхтатсак, нима бўлишини ўйин охирларида кўрдингиз. Йигитлар диққатни жамлашди. Бу – «Сити»ни мағлуб этишнинг ягона йўли. Эҳтимол, бошқа жамоалар буни ўзгача қилишлари мумкин. Аммо биз уларни мағлуб этиш учун ягона усул шу эди.

«Сити»га қарши барча ўйинлар шунга ўхшаш ўтади. Ўйин жуда чиройли бўлмади, аммо ҳаммаси жонли ўтди. Баҳс менга жуда ёқди», – деб Клоппнинг сўзларини келтиради BBC.

Futbol TV

Шунингдек, «Манчестер Сити» бош мураббийи Пеп Гвардиола ҳам АПЛнинг «Ливерпуль»га қарши ўйиндаги мағлубиятдан сўнг ўз фикрларини билдириб ўтди.

«Бугун биз нима учун ўтган мавсумларда чемпион бўлганимизни кўрсатдик. Мен ўз жамоам билан жуда фахрланаман. Европанинг энг кучли жамоасига қарши охиригача курашганимиздан фахрланаман.

Ҳакамларнинг хатолари? Буни VAR'да ишлаган ҳакамлардан сўранг. Ўйинимиз ҳақида гапирмоқчиман, бу бизнинг энг яхши ўйинларимиздан бири эди. «Ливерпуль» қанчалик яхши жамоа эканлигини инкор этиш мумкин эмас, аммо биз яхши ҳаракат қилдик ва характер кўрсатдик. Жамоа учун ўсиш жуда муҳим. Бундай ўйинни Премьер-лига томошабинларига намойиш этиш ҳар иккала жамоа учун шарафдир», – деб Гвардиоланинг сўзларини келтиради BBC.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан