Европа Чемпионлар Лигасида 1/8 финал босқичи жавоб учрашувлари якунланди.
Италиянинг «Ювентус» клуби ўз майдонида Испаниянинг «Вильярреал» жамоасига кутилмаганда йирик ҳисобда ютқазиб қўйди. Бу мағлубият италияликларни турнир билан эрта хайрлашишга мажбур қилди.
Ювентус — Вильярреал 0:3
Голлар: Х.Морено (78, пенальти), Торрес (85), Данжума (90+2, пенальти).
Ювентус – Шченсни, Данило, Ругани (Дибала, 79), де Лигт, Де Шильо, Куадрадо, Рабьо, Локателли (Бернардески, 83), Артур, Мората (Кен, 86), Влаҳович.
Вильярреал – Рульи, Орье, Альбиоль, Пау Торрес, Эступиньян, Пино (Чуквуэзе, 65), Тригерос (Коклен, 64), Капу, Парехо (Педраса, 86), Ло Чельсо (Херар Морено, 74), Данжума.
Огоҳлантириш: де Лигт (90).
Биринчи ўйин — 1:1.
Яна бир учрашувда «Челси» сафарда «Лилл»ни мағлубиятга учратди.
Лилль — Челси 1:2
Голлар: Йилмаз (38, пенальти) — Пулишич (45+3), Аспиликуэта (71).
Лилль – Лео Жардим, Челик (Веа, 58), Фонте, Ботман (Онана, 58), Жало, Гудмундссон (Брадарич, 78), Андре, Шека, Бамба (Гомес, 78), Йилмаз, Дэвид (Бин Арфа, 77).
Челси – Менди, Аспиликуэта, Тиаго Силва, Рюдигер, Кристенсен (Чалоба, 33), Алонсо, Ковачич (Маунт, 46), Жоржиньо (Лофтус-Чик, 74), Канте, Пулишич (Лукаку, 74), Ҳавертц (Зиёш, 83).
Огоҳлантиришлар: Чалоба (34), Гудмундссон (42).
Биринчи ўйин — 0:2.
Шу тариқа ЕЧЛ чоракфиналига йўл олган барча жамоалар номи маълум бўлди — «Бавария» (Германия), «Манчестер Сити» (Англия), «Ливерпуль» (Англия), «Реал» (Испания), «Атлетико» (Испания), «Бенфика» (Португалия), «Челси» (Англия) ва «Вильярреал» (Испания).
Чоракфинал босқичига қуръа 18 март куни ташланади.