Бугун 21 февраль куни Самарқанд вилояти Жомбой туманида жойлашган Зарафшон миллий табиат боғининг учинчи бўлими ҳудудида ёнғин содир бўлди. Бу ҳақда вилояти Экология ва атроф-муҳитни муҳофаза қилиш бошқармаси ахборот хизмати хабар бермоқда.
Ёнғин натижасида, сувтол ва малина бўталари каби ўсимликлар ўсувчи жами 0.25 га ер майдони зарар кўрган. Олов ҳудудга бириктирилган масъуллар ва ходимлар томонидан тезкор тартибда бартараф этилган.
Айни пайтда, вилоят Экология ва атроф-муҳитни муҳофаза қилиш бошқармаси ва тегишли мутасадди ташкилотлар томонидан ҳолат юзасидан қонунда белгиланган тартибда суриштирув ва ўрганиш ишларини олиб бормоқда.