Зеленский Россия ижтимоий тармоқларига киритилган санкцияларни узайтирди

Зеленский Россия ижтимоий тармоқларига киритилган санкцияларни узайтирди

Украина президенти Владимир Зеленский Россия сайтлари ва ижтимоий тармоқларига нисбатан тақиқни яна уч йилга узайтирди. Тегишли қарор президент расмий сайтида чиқди деб хабар бермоқда РИА Новости.

Санкция "ВКонтакте" , "Одноклассники" каби ижтимоий тармоқлар, "Яндекс", Mail.ru, "Доктор Веб", "Касперский", 1С, "Парус" каби сайтларга нисбатан қўлланилган.

Украина Миллий хавфсизлик ва мудофаа кенгаши 400 юридик ва жисмоний шахсларни ўз ичига олган навбатдаги санкциялар пакети лойиҳасини тайёрлаган.

Ушбу тақиқлар 2017 йил май ойида президент Порошенко даврида 3 йилга қўлланилган эди.

Россия ТИВ украин ҳукуматининг жорий ҳаракатини муқобил ахборот манбаларини тўсиш сифатида баҳоламоқда.