Анжуманда Польша президенти Анжей Дуда ва Литва президенти Гитанас Науседа ҳам иштирок этди. Ундаги асосий фикрлар:
Зеленский: Россиянинг ҳаракатларини олдиндан айтиб бўлмайди, лекин Украина армияси ҳамма нарсага тайёр;
Дуда: Европа Иттифоқи санкциялари россияликларнинг Полшага боришини имконсиз қилиши мумкин;
Зеленский: Литва ва Польша Украина билан елкама-елка туришади ва биз буни жуда қадрлаймиз;
Дуда: Польша Путиннинг ўзини ўзи эълон қилган ДХР ва ЛХРни тан олиш қарорини кескин қоралайди. Бу агрессив қадам, халқаро ҳуқуқни қўпол равишда бузишдир;
Дуда: Фақат жиддий ва кучли жавобгина можаронинг янада кучайишини олдини олади;
Науседа: Менинг ва барча литваликларнинг юраги бу курашда украиналикларнинг юраги билан бирга уради. Ёмонликка қарши бирдам бўлишимиз керак. Литва сиз билан. Украинага шон-шарафлар!
Дуда: Польша Украинага бирдамлиги ва ҳар томонлама қўллаб-қувватлашини билдиради.
Зеленский, Дуда ва Науседа Украинага Европа Иттифоқига номзод давлат мақомини беришни қўллаб-қувватловчи ҳужжатни имзолашди.