2020 yil 1 iyun holatiga ko‘ra, O‘zbekistonda yetishtirilgan o‘rik mevalari 9 ta xorijiy mamlakatlar bozoridan joy olgan. Bu haqda Davlat statistika qo‘mitasining matbuot kotibi Usmon Abdurasulov xabar bermoqda.
Mazkur mamlakatlar orasida Qozog‘iston 6 ming tonna, Rossiya 3,6 ming tonna, Qirg‘iz Respublikasi 1,2 ming tonna bilan yuqori ulushga ega bo‘ldi. Shuningdek, joriy yilda o‘rik mevasi Ozarbayjon, Gruziya va Turkmaniston davlatlari bozorlarida ham sotila boshlanganini ko‘rish mumkin.
O‘zbekiston 2020 yilda 11 192,4 tonna o‘rik mevasi eksport qildi va bundan 10,9 million AQSh dollari ishlab oldi.
Shuningdek, joriy yilda mahsulot eksporti o‘tgan yilning mos davriga nisbatan 12,6 %ga oshgan. Xususan, BAA (580 %), Ukraina (400 %), Belarus (54,2 %), Rossiya (51,3 %) bilan savdo hajmi sezilarli o‘sgan.