Turkiya 10 iyundan boshlab 40 ta mamlakat, jumladan O‘zbekiston bilan avialoqalarni tiklashini ma’lum qildi. Bu haqda mamlakat transport va texnologiya vaziri Adil Qoraismoil o‘g‘liga tayanib Bir kun (BirGun) nashri xabar bermoqda.
Unga ko‘ra, xalqaro reyslar birinchi navbatda Bahrayn, Gretsiya, Qatar va Shimoliy Kipr bilan amalga oshiriladi.
"Biz xalqaro reyslarni amalga oshirish uchun 92 mamlakat bilan hamkorlikni davom ettirmoqdamiz. Tashkilotlar va aloqador davlatlar bilan xavfsiz parvoz qilish yo‘llarini muhokama qilmoqdamiz. Ayni paytda Albaniya, Avstriya, BAA, Belarus, Iordaniya, Italiya, Litva, Marokash, Moldova, Qozog‘iston, Serbiya, Sudan, Ukraina, O‘zbekiston, Shimoliy Kipr bilan kelishuvga erishdik", - deydi vazir.
Qoraismoil o‘g‘li, shuningdek, Turkiyaga kelgan barcha yo‘lovchilar koronavirus infeksiyasi uchun tekshirilishi kerakligini ta’kidladi.