9 may kuni O‘zbekistondagi davlat va nodavlat telekanallarda Ikkinchi jahon urushidagi g‘alabaning 75 yilligiga bag‘ishlangan “Ilhaq” badiiy filmining premerasi bo‘lib o‘tdi.
 
Prezident tashabbusiga ko‘ra “O‘zbekkino” MA buyurtmasiga asosan suratga olingan film real voqealarga asoslangan bo‘lib, unda Toshkent viloyatining Xonobod qishlog‘ida yashagan Zulfiya aya Zokirova va uning kenja o‘g‘li Yusuf Xolmatovning taqdiri asos qilib olingan.

Film premerasini o‘tkazib yuborganlar 10 may kuni "O‘zbekiston", "Oilaviy", "Yoshlar" va "Madaniyat va ma’rifat" kanallari orqali uni ko‘rishlari mumkin bo‘ladi.