Dunyo bo‘ylab Xitoy koronavirusi COVID-19 pandemiyasi oqibatida o‘lganlar soni 11 mingdan oshib ketdi. Ularning uchdan biri Italiya hisobiga to‘g‘ri kelmoqda. Respublikada 4032 kishi vafot etdi: bu raqam koronavirus o‘chog‘i hisoblangan Xitoydan ham oshib ketdi.
Italiyaning Bergamo shahrida dafn etish uchun harbiylar safarbar qilingan — mahalliy qabriston va krematoriylar o‘liklarni qabul qilib ulgurmayapti. Vafot etganlarning jasadlari qabristonga harbiy yuk mashinalarida tashilmoqda.
Jahon sog‘liqni saqlash tashkiloti ma’lumotlariga ko‘ra, Italiyada yangi koronavirus infeksiyasini 47 ming kishi yuqtirib olgan. Dunyo bo‘yicha — 275 ming kishi. COVID-19 dunyoning 183 davlatiga tarqalib ulgurdi. O‘zbekistonda 37 kishida koronavirus aniqlandi.