Bugun AOKA shtabida Sog‘liqni saqlash vazirligi huzuridagi Koronavirusga qarshi kurash shtabi a’zosi Habibulla Oqilov ishtirokida brifing bo‘lib o‘tdi.
Brifingda muhim savol va murojaatlar yuzasidan javob qaytarildi.
— 1197 raqamiga qo‘ng‘iroq qilib dori so‘rasam bo‘ladimi?
— 1197 raqami ehtiyojmandlar uchun birlamchi ehtiyoj uchun zarur oziq-ovqat, shuningdek, bolalar ozuqasi va surunkali bemorlar uchun dori vositalari bo‘yicha murojaat qilishga mo‘ljallangan.
Faqat dorilarni yetkazib berish oziq-ovqat kabi tez tashkillashtirilmasligi mumkin, chunki u yashash joyidan polikinika retsepti asosida beriladi.
Jarayon tezroq bo‘lishi uchun Siz preparatning aniq nomini, dozasini va qabul qilish davomiyligini aytishingiz kerak, chunki telefonda shifokor yoki farmatsevt emas, volontyorlar javob qaytaradi.