Farg‘ona viloyati IIB Axborot xizmati xabariga ko‘ra, joriy yil 15 fevral kuni fuqaro A.Sh. ismli ayol A.Yu.ni ishonchiga kirib, narxi 133 mln so‘mlik dori-darmon mahsulotlarini dorixonalarga tarqatib, sotib berishini aytib, bergan va’dasini bajarmasdan aldov yo‘li bilan qo‘lga kiritgan dorilarini boshqa shaxsga sotib yuborib, pullarni o‘z ehtiyojlariga sarflab yuborgan.

Mazkur holat yuzasidan Marg‘ilon shahar IIB huzuridagi tergov bo‘limi tomonidan Jinoyat kodeksining 168-moddasi 4-qismi “a” bandi (firibgarlik) bilan jinoyat ishi qo‘zg‘atilib, tergov harakatlari olib borilmoqda.

Yuqorida ko‘rsatilgan jinoyatni sodir etgan shaxs o‘n yilgacha ozodlikdan mahrum qilish bilan jazolanishi mumkin.