"Uzbekistan airways" aviakompaniyasi joriy yilning 14 sentyabridan haftasiga 2 marotaba dushanba va shanba kunlari Buxoroga doimiy parvozlarni amalga oshirishni boshlaydi. 

Shuningdek, 14 sentyabrdan boshlab Urganch shahriga reyslar har kuni amalga oshiriladi. Nukus shahriga bajarilayotgan parvozlar soni esa haftasiga 3 tadan 4 taga ko‘paytiriladi.

Parvozlar jadvali bilan aviakompaniyaning rasmiy saytida tanishish mumkin.  Yo‘lovchilar ushbu reyslarga chiptalarni aviakompaniya veb-saytidan,  mobil ilova orqali,  shuningdek,  "Uzbekistan airways" AJning eng yaqin savdo ofislaridan yoki O‘zbekiston Respublikasidagi savdo agentlaridan sotib olishlari mumkin.