Davlat soliq qo‘mitasining xabar qilishicha, QQS manfiy summasini g‘ayriqonuniy yo‘llar bilan qo‘lga kiritishga urinish holatlari aniqlanmoqda.

«Masalan, „BSTQ“ MChJ 2020−2021 yillarda 52,1 mln so‘mlik QQSni noto‘g‘ri hisobga olgan. Ko‘rilgan choralar natijasida ushbu mablag‘lar uchun aniqlashtirilgan qayta hisobot olingan (korxona nomi o‘zgartirilgan)», — deyiladi DSQ xabarida.

Qayd etilishicha, 2021 yilning o‘tgan davri mobaynida, 16 933 ta kontragentda jami 1,6 trln so‘mlik QQSni noto‘g‘ri hisobga olinishi yuzasidan kameral soliq tekshiruvlari o‘tkazilgan.

Natijada, 16 594 ta (97,7%) holatda 1,5 trln so‘mlik QQS noto‘g‘ri hisobga olingani o‘z tasdig‘ini topgan. Shundan, 3872 ta tadbirkorlik sub’yekti tomonidan 160,1 mlrd so‘mlik qayta hisobotlar olingan.