17 maydan Toshkent davlat sharqshunoslik universiteti to‘liq an’anaviy ta’lim tizimiga o‘tadi

17 maydan Toshkent davlat sharqshunoslik universiteti to‘liq an’anaviy ta’lim tizimiga o‘tadi

Foto.UzA

Toshkent davlat sharqshunoslik universiteti rektori G.Sh.Rixsiyeva o‘quv jarayoni 2021 yil 17 maydan an’anaviy shaklda davom ettirilishini ma’lum qildi.

Mamlakatimizdagi Covid-2019 bilan bog‘liq epidemiologik vaziyatni inobatga olib 22.04.2021-yil 160 UM buyruq bilan Toshkent davlat sharqshunoslik universitetida o‘quv jarayoni 22 apreldan 6 mayga qadar masofaviy shaklga o‘tkazilgan edi.

Talabalar Ramazon hayiti bayramini oila davrasida munosib nishonlashiga sharoit yaratish maqsadida 30.04.2021 yil 165-UM-sonli buyruq bilan universitetdagi masofaviy ta’lim muddati 15 mayga qadar uzaytirildi.

17 maydan e’tiboran esa universitet to‘liq offline , ya’ni an’anaviy ta’lim tizimiga o‘tadi.  Shuningdek, davlat imtihonlari va bitiruv malakaviy ishlar himoyalari ham 100% an’anaviy tarzda o‘tkaziladi.