Shengen viza berishning yangi kodeksiga binoan 2020 yil fevral oyining birinchi dushanbasidan Shengen viza berish tartibi o‘zgaradi. Vizaga to‘lov narxlari 33,33 %ga qimmatlashadi.
2020 yilning 2 fevralidan boshlab O‘zbekiston fuqarolari Shengen viza olish uchun avvalgidek €60 emas, €80 to‘lashadi. O‘z navbatida bolalar uchun Shengen viza narxlari €35 o‘rniga 40 yevrodan bo‘ladi.
Shuningdek, yangi qonun vizani safarga chiqishdan 6 oy oldin olish imkonini beradi (hozir bu tartib 3 oy).
Besh yilgacha amal qiladigan ko‘p martalik vizalar Shengen hududiga tez-tez tashrif buyuradigan va ijobiy viza tarixiga ega bo‘lgan sayohatchilarga beriladi.
Shengen vizasi - vakolatli organlar tomonidan Shengen hududiga tashrif buyurish uchun tegishli shaxsga berilgan hujjat. Shengen zonasi bir mamlakatda bo‘lgani kabi, tashrif buyurganlarning ushbu zonada erkin harakatlanishiga imkon bergan 26 davlatdan iborat. Shengen bitimini imzolagan 26 davlatdan 22 tasi YeI a’zosi, qolgan 4 tasi Yevropa erkin savdo assosatsiyasi (YeESA) tarkibiga kiradi.