2022 yil 31 dekabrga qadar quyidagilar qo‘shimcha qiymat solig‘i(NDS)dan ozod qilinmoqda. Bu haqda Rasul Kusherbayev o‘z telegram kanalida ma’lum qildi.
▪️O‘zbekiston Respublikasi hududiga o‘simlik yog‘i, kungaboqar va zig‘ir urug‘i, shuningdek soya danagini olib kirish hamda o‘simlik yog‘ini ishlab chiqarish va (yoki) realizatsiya qilish bo‘yicha aylanmalar;
▪️ go‘sht(mol, qo‘y), tirik hayvonlar (mol, qo‘y) va ularni so‘yishdan olingan mahsulotlarni, kartoshkani realizatsiya qilish bo‘yicha aylanma, shuningdek ularni O‘zbekiston Respublikasi xududiga olib kirish.
Shuningdek, 2021 yilning 10 oktyabridan 2022 yil 30 aprelga qadar bo‘lgan davrda tovuq go‘shti, muzlatilgan baliq va parranda ham qo‘shilgan qiymat solig‘idan ozod qilinmoqda.
Qonun loyihasi deputatlar tomonidan qabul qilinib, Senatga yuborildi.