10 sentyabrdan 11 sentyabrga o‘tar kechasi, soat 00:50 larda Yunusobod tumanida joylashgan kafelardan birida yoshlar o‘rtasida kelishmovchilik yuzaga keldi. Yoshlar muammoni hal qilish uchun Shayxontohur tumanigacha borishgan va olishuv boshlangan.
Olishuv natijasida 3 kishi jarohat olib, kasalxonaga yotqizilgan. Ular orasidagi 23 yoshli Muslim Omonov vrachlarning sa’y-harakatiga qaramasdan, vafot etdi. Bu haqda Toshkent shahar IIBB matbuot xizmati xabar qilmoqda.
Ushbu fakt yuzasidan O‘zbekiston Respublikasi Jinoyat kodeksining 104-moddasi “d” bandi bilan jinoiy ish qo‘zg‘atildi. Janjal qatnashchilari aniqlangan. Tergov davom etmoqda.
Muslim Omonov — MMA professional kurashchisi, MS kikboksing bo‘yicha 7 karra O‘zbekiston, K1 MS bo‘yicha jahon, 77 kg gacha MMA kurashi bo‘yicha Osiyo chempioni.
Eslatib o‘tamiz, 2018 yil avgustida yanan bir MMA chempioni Jamshid Kenjayev ham tungi klubda pichoqlangan edi.