Dunyo bo‘ylab qamoqxonalardagi jurnalistlar soni 2021 yilda rekord darajaga yetdi. Jurnalistlarni himoya qilish qo‘mitasi (JHQ) hisobotiga ko‘ra, dekabr oyi boshidagi holatga ko‘ra, 293 nafar OAV xodimlari hibsda saqlanmoqda.
Xalqaro tashkilot ma’lumotlariga ko‘ra, eng ko‘p qamoqqa olingan jurnalistlar Xitoyda — 50 ta. Undan keyingi o‘rinlarda Myanma — 26, Misr — 25, Vetnam — 23, Belarus — 19. Birinchi o‘nlikka Turkiya (18), Eritreya (16), Saudiya Arabistoni (14), Rossiya (14) va Eron (11) kirgan. O‘zbekistonda qo‘mita hisob-kitoblariga ko‘ra, qamoqda 2 nafar jurnalist — Elyorbek Tojiboyev va Otabek Satoriy bor.