Dunyo bo‘yicha koronavirus infeksiyasi bilan kasallanganlar soni 400 ming kishiga yetdi. Bu haqda virus tarqalishi haqida real vaqt rejimida ma’lumot beruvchi Jon Xopkins universiteti xabar bermoqda.
Hozir dunyoda 407 mingta koronavirus infeksiyasi mavjud. 104 ming nafar bemor to‘liq tuzaldi, 18 ming kishi vafot etdi.
Jons Xopkins universiteti ma’lumotlariga ko‘ra, koronavirus 6 mart kuni 100 minglik, 18 mart kuni 200 minglik hamda 21 mart kuni 300 minglik "marrani kesib o‘tdi".
Jahon sog‘liqni saqlash tashkiloti (JSST) koronavirus pandemiyasining tezlashishi haqida ogohlantirmoqda.
O‘zbekistonda ushbu virusni yuqtirib olganlar soni 55 nafarga yetdi. Ulardan to‘rt nafarining ahvoli og‘ir.