300 dan ortiq soxta harbiy tavsiyanomalar aniqlandi. Ba’zilari xizmat o‘tamagan

300 dan ortiq soxta harbiy tavsiyanomalar aniqlandi. Ba’zilari xizmat o‘tamagan

Bu haqda DTM direktori o‘rinbosari Sardor Rajabov AOKAda o‘tayotgan matbuot anjumanida ma’lum qildi.

Joriy yilda harbiy qism qo‘mondonligi tavsiyanomasiga ega jami 13107 nafar abituriyentning 1828 tasi qayta tekshirildi. 

Qayta tekshiruv natijalariga ko‘ra, 1828 nafar abituriyentdan 1516 nafari tavsiyanomaga ega ekani, 172 nafari safarbarlik chaqiruv rezervida xizmat qilgani, 85 nafari xizmatni o‘tamagani va 55 nafari muddatli harbiy xizmatni o‘tgan bo‘lsa-da, tavsiyanomaga ega emasligi tasdiqlandi. 

Test natijalari tahlil qilinganda, 1615 nafar abituriyentdan 128 nafari davlat grantiga, 478 nafari to‘lov-kontrakt asosida talabalikka tavsiya etildi.