344 million "aylanib" o‘ta olmadi

344 million

Xorijdan yurtimizda faoliyat olib borayotgan mas’uliyati cheklangan jamiyatlardan birining nomiga olib kelingan qurilish materiallarining faktura qiymati hujjatlarda 70 402 AQSh dollari miqdorida ko‘rsatilgani bojxonachilar e’tiborini tortdi va ushbu qiymatning haqqoniyligini tekshirish uchun xorijiy davlatga so‘rovnoma yuborildi. Bu haqida Respublika Bojxona qo‘mitasi internet sayti xabar bermoqda.

So‘rovnoma natijasiga ko‘ra, qurilish materiallarining umumiy faktura qiymati 207 352 AQSh dollari ekanligi ma’lum bo‘ldi.

Tafovutlar natijasida  344,2 million so‘m qo‘shimcha bojxona to‘lovlari hisoblandi.

Hozirda yuqoridagi holat yuzasidan bojxona organlari tomonidan tergovga qadar tekshiruv harakatlari davom ettirilmoqda.