Qoraqalpog‘iston Respublikasi prokuraturasi jamoatchilik bilan aloqalar va huquqiy axborot tarmog‘ining xabar berishicha, To‘rtko‘l tumanida 5 kishi is gazidan zaharlangan.
2021 yil 06 mart kuni soat 11:30 larda To‘rtko‘l tumani IIBga kelib tushgan xabarga ko‘ra, To‘rtko‘l tumani, “Yangiobod” MFYda yashovchi fuqaro I.U.(erkak) va uning qizlari R.S.(2003 y.t.), R.A.(2010 y.t.) va o‘g‘li R.M.(2005 y.t.) hamda ushbu xonadonga mehmonga kelgan A.Sh. xonadonda o‘rnatilan isitish pechidan sizib chiqqan is gazidan zaharlanib, vafot etgan.
Ushbu holat yuzasidan To‘rtko‘l tuman prokuraturasi tomonidan O‘zbekiston Respublikasining JKning 259-moddasi 2-qismi “a, b” bandlari bilan jinoyat ishi qo‘zg‘atildi.
Hozirda To‘rtko‘l tumani IIB tomonidan dastlabki tergov harakatlari olib borilmoqda.
Mazkur jinoyat ishining tergovi Qoraqalpog‘iston Respublikasi prokuraturasi tomonidan nazoratga olingan.