Fitnes-bilaguzuklar va aqlli soatlar 8 martda eng mashhur texnosovg‘alar bo‘lib qolmoqda. Buni Hi-Tech Mail.ru so‘rovlari ko‘rsatmoqda.

“Xalqaro xotin-qizlar kunida ayollarga sovg‘a qilish uchun eng yaxshi gadjetlar “aqlli aksessuarlar” — fitnes-bilaguzuklar va smart soatlar (32 %) hisoblanadi. Undan keyingi o‘rinlarni smartfonlar (22 %), simsiz quloqchinlar (20 %) va robochangyutgichlar (12 %) egalladi”, — deyiladi so‘rov natijalarida.

So‘rovnomada faqat erkaklar ishtirok etishgan.

Har beshinchi respondent (so‘rov ishtirokchisi) rafiqasiga gadjet sovg‘a qilishni rejalashtirib qo‘ygan. 16 % ishtirokchilar onasi, opa-singlisi va buvisiga biror texnika sovg‘a qilishni xohlaydi.