Kuvayt amiri 91 yoshli shayx Saboh al-Ahmad al-Jobir as-Saboh vafot etdi. Bu haqda Reuters nashri xabar bermoqda. 

Shayx AQShda vafot etdi - u iyul oyida tibbiy ko‘rikdan o‘tish uchun ushbu mamlakatga uchib keldi. Keyinchalik u muvaffaqiyatli operatsiya qilinganligi va reabilitatsiya holatida ekanligi xabar qilindi.

Kuvaytning yangi amiri marhumning ukasi Navaf al-Ahmad al-Jobir as-Saboh bo‘ladi. So‘nggi oylarda, Shayx Saboh Qo‘shma Shtatlarda davolanganida, u allaqachon qisman davlat rahbari vazifasini bajarayotgan edi.

Shayx Saboh 2006 yilda taxtga o‘tirgan, bundan oldin u bir necha o‘n yillar davomida Kuvayt Tashqi ishlar vazirligini boshqargan. Saboh, boshqalar qatorida ayollar huquqlari, ommaviy axborot vositalari erkinligi va yig‘ilishlarni kengaytirishga qaratilgan demokratik islohotlarni amalga oshirdi.

Shayx Saboh amaldagi ikkinchi eng keksa davlat rahbari bo‘lgan. Hozirda eng keksa rahbar Buyuk Britaniyaning 94 yoshli qirolichasi Yelizaveta II bo‘lib qolmoqda.