Afg‘onistonda al-Qoidaning nufuzli rahbari yo’q qilindi. Bu haqda Reuters agentligi xabar bermoqda.

Afg‘oniston xavfsizlik kuchlari Federal qidiruv byurosining (FQB) eng ko‘p qidirilayotgan terrorchilari ro‘yxatida bo‘lgan al-Qoida rahbarlaridan biri Abu Muhsin al-Masrini o‘ldirdi.

AQSh Milliy aksilterror markazi rahbari Kris Miller G‘azna viloyatida o‘tkazilgan maxsus operatsiya paytida al-Masrining o‘limini tasdiqladi.

Millerning ta’kidlashicha, "Al-Qoida" ning muhim rahbarining o‘limi terroristik tashkilotning samaradorligi pasayib borayotganligini ko‘rsatmoqda.