Hozirda qish fasli hukm surayotgan Janubiy Afrika Respublikasining markaziy qismida rekord darajada past harorat qayd etildi, deb xabar berdi SABC radiostansiyasi.

Sinoptiklarning ma’lumotlariga ko‘ra, 24 iyulga o‘tar kechasi mamlakatning 19 hududida eng past harorat qayd etilgan. Kimberli shahri va uning atrofida harorat minus 9,9 darajani tashkil etgan. Bu JARdagi meteorologik kuzatuvlar tarixidagi eng past harorat hisoblanadi.

Yohannesburgda havo harorati minus 7 darajaga teng bo‘lgan. Avvalgi rekord 1995 yil 19 iyulda qayd etilgan bo‘lib, o‘shanda - 6,3 daraja sovuq bo‘lgan.

JARning turli hududlarida ilk marta qor yog‘di. Ko‘plab avtomobil yo‘llari muzlama sababli yopilgan.

Sovuq ob-havo yana bir hafta hukmronlik qilishi kutilmoqda.