Prezident Shavkat Mirziyoyev aholini koronavirusga qarshi emlash ishlarini boshlash zarurligini ta’kidladi. U sog‘liqni saqlash vaziri Abduhakim Xadjibayev va uning o‘rinbosari Bahodir Yusupaliyevga bir oy muddatda birinchi navbatda emlanishi zarur bo‘lgan aholi toifasini belgilab, ularning elektron ro‘yxatini shakllantirishni topshirdi. Bu haqda “Gazeta.uz” xabar berdi.

Shuningdek, oilaviy poliklinika va qishloq shifokorlik punktlaridagi 3 mingdan ziyod emlash bo‘limlari shayligini ta’minlashdan tashqari, yana qo‘shimcha 800 ta mobil brigada tashkil etishga buyruq berildi.

Joriy yilda To‘ychiyev, Xadjibayev va uning o‘rinbosarlari faoliyatiga Sirdaryo viloyatining 26 ta tuman (shahar)larida oilaviy shifokorlik, “elektron poliklinika” tizimlarini joriy etish natijasiga qarab baho beriladi, dedi prezident.