"O‘zbekiston respublika tovar-xom ashyo birjasi"da avtomobil benzinining narxi biroz pasaydi. Narxlarning pasayishiga sotuvchi-korxonalar tomonidan boshlang‘ich narxlarning pasaytirilganligi o‘z ijobiy ta’sirini o‘tkazdi.
Xususan, ko‘rib chiqilayotgan davrda sotuvchi-korxonalar AI-80 markali avtomobil benzinining boshlang‘ich narxlarini mahsulotning bir tonnasi uchun o‘rtacha 6 677,7 ming so‘mdan 6 641,7 ming so‘mgacha pasaytirishdi.
Shu munosabat bilan, AI-80 markali avtomobil benzinning o‘rtacha kunlik narxi ham mos tarzda 6 691,9 ming so‘mdan 6 683,5 ming so‘mgacha pasaydi.
Ko‘rib chiqilayotgan davrda AI-80 rusumli avtomobil benzinning o‘rtacha haftalik kotirovkasi 6 676,4 ming so‘mni, AI-91 – 7 692,9 ming so‘mni tashkil etdi.