AIR ARABIA aviakompaniyasi O‘zbekistonga muntazam parvozlarni amalga oshirish uchun ruxsatnoma oldi
22.09.2020 17:19,
223
BAAning "AIR ARABIA Abu-Dabi LLC " aviakompaniyasi O‘zbekistonga muntazam parvozlarni amalga oshirish uchun ruxsatnoma oldi. Bu haqda O‘zbekiston Respublikasi Transport vazirligi axborot xizmati xabar berdi.
O‘zbekiston Respublikasi hukumati va Birlashgan Arab Amirliklari hukumatlari o‘rtasida imzolangan Havo qatnovi to‘g‘risidagi bitim asosida «O‘zaviatsiya» agentligi tomonidan "AIR ARABIA Abu-Dabi LLC" kompaniyasiga Abu-Dabi – Toshkent – Abu-Dabi yo‘nalishlarida muntazam parvozlarni amalga oshirish uchun 2020 yil 9 sentyabrda 3-K sonli Foydalanish ruxsatnomasi berildi.
Aviakompaniya mazkur yo‘nalishda O‘zbekistonga parvozlarni Airbus-320-214 havo kemalarida amalga oshirishini ma’lum qildi.