Parlamentlararo Ittifoq boshqaruv organlarining yangi tarkibini shakllantirish doirasida O‘zbekiston Respublikasi Oliy Majlisi Qonunchilik palatasi Spikerining birinchi o‘rinbosari Akmal Saidov ushbu Ittifoq Ijroiya qo‘mitasi raisining o‘rinbosari, shuningdek, uning moliya bo‘yicha kichik qo‘mitasi a’zosi etib tayinlandi. Bu haqda “Dunyo” AA xabar bermoqda.

Mamlakatimiz vakili birinchi bor 2020-2023 yilda Parlamentlararo Ittifoq Ijroiya qo‘mitasi a’zosi sifatida qayd etildi.

MAVZUGA DOIR: Akmal Saidov Qonunchilik palatasida yangi lavozimni egalladi (video)

Parlamentlararo Ittifoq – dunyo davlatlari parlamentlarining asosiy xalqaro organi bo‘lib, 1889 yilda tashkil etilgan. Hozirgi kunda tashkilotga 179 mamlakat parlamentlari a’zo. Parlamentlararo Ittifoq Ijroiya qo‘mitasi 18 kishidan tarkib topgan bo‘lib, ular tashkilotning 6 ta geosiyosiy guruhini ifodalaydi va uning ma’muriy organ sifatidagi vazifalarini bajaradi.

Eslatib o‘tamiz, avvalroq Akmal Saidov yangi ta’sis etilgan Oliy Majlis Qonunchilik palatasi spikerining birinchi o‘rinbosari lavozimiga ham saylangan edi.

MAVZUGA DOIR: Akmal Saidov: Propiska bu – kamsitish yoki diskriminatsiyadir