Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Koloniyada qisqa muddatli uchrashuvga kimlar kela oladi? Yoki mahkum Akrom Malik bu uchrashuv huquqidan nega to‘la foydalana olmayapti?
17.02.2020 07:13,  
835

Advokatlar F.Mustonov hamda T.Jumaniyazovlarning aytishicha, ularning himoyasidagi mahkum Akrom Malikka uni ko‘rgani kelgan do‘stlari bilan qisqa muddatli uchrashuv uchun ruxsat berilmayapti.

O‘zbekiston Respublikasi Jinoyat ijroiya kodeksining 76-moddasi “Mahkumlarning uchrashuvlari” deb nomlanadi. Unga ko‘ra, “Ozodlikdan mahrum etishga hukm qilingan shaxslarga qisqa muddatli va uzoq muddatli uchrashuv huquqi beriladi. Mahkumlarga qarindoshlari yoki boshqa shaxslar bilan muddati to‘rt soatgacha bo‘lgan qisqa muddatli uchrashuvga ruxsat beriladi”.

Mahkum Akrom Malikning holidan xabar olgani kelgan filologiya fanlari doktorlari, professorlar R.Zohidov, A.Tilavov, shoira M.Shodmonova, huquqbon A.Turg‘unov, mahkumning do‘sti K.Yusupovlar qisqa muddatli uchrashuv ruxsatini olisholmagan. Ularga quyidagi vajlar ko‘rsatilgan:

1) filologiya fanlari doktori, professor, taniqli navoiyshunos R.Zohidovning "eski pravasi" uning shaxsini tasdiqlovchi hujjat hisoblanmagani uchun;

2) taniqli shoira M.Shodmonova mahkumga "begona ayol" bo‘lgani uchun;

3) do‘sti, xalqaro iqtisodchi diplomi bor, magistr darajasidagi K.Yusupov yakshanba (dam olish kuni) ish vaqtida kelgani va mahkumning soqoli biroz qorayib o‘sib qolgani uchun ular qisqa muddatli uchrashuvga kira olmay qaytib ketganlar.

Ammo A.Tilavov hamda A.Turg‘unovlar biror sababsiz qisqa muddatli uchrashuvga qo‘yilmagan.

Advokat F.Mustonovga ko‘ra, avval uning himoyasidagi Akrom Malik barcha do‘stlari bilan qisqa muddatli uchrashuvga chiqib kelgan, ammo yaqinda mahkum Akrom Malikov jazo o‘tayotgan 48-sonli manzil-koloniyaga (eski 69) yangi rahbar podpolkovnik J.Jumaboyev kelgach vaziyat o‘zgargan. Mazkur manzil-koloniyada faoliyat yurituvchi tezkor bo‘lim boshlig‘i hamda Behzod Qodirovlarga ko‘ra "mahkumlarning yaqin qarindoshlarigagina qisqa muddatli uchrashuv ruxsati bor, boshqa shaxslarga bu uchrashuv qat’iyan ta’qiqlangan, buni 48-sonli manzil-koloniyaning yangi rahbari, podpolkovnik Jamoliddin Jumaboyev shaxsan buyurgan va hech kim buni buza olmaydi".

F.Mustonovning aytishicha, "biror mansabdorning ichki buyrug‘i Qonundan ustun bo‘la olmaydi. Qonunda esa mahkumlar qarindoshlaridan boshqa shaxslar bilan ham qisqa muddatli uchrashuvga chiqishlari mumkin". Shu sababli, F.Mustonov 48-manzil-koloniya boshlig‘i, podpolkovnik J.Jumaboyevdan mazkur ichki buyrug‘i uchun qonuniy asos so‘rab murojaat qilishini bildirdi.

2016 yil 22 iyuldan buyon qamoqda siyosiy ayblov bilan o‘tirgan yosh navoiyshunos, sobiq bloger, iqtidorli shoir Akrom Malikning kayfiyati, sog‘ligi, qonuniy huquqlarining daxlsizligi ko‘pchilikning diqqatida turgan jiddiy masaladir. Shundoq qiyin ruhiy holatda yosh umri, ilmi va iqtidori panjara ortida xazon bo‘layotgan ijodkor, adabiyotshunosga Qonundan tashqaridagi bu ta’qiq og‘ir ta’sir qilgani aniq. Holbuki, bunday insonlarni har tomonlama qo‘llab-quvvatlash, salohiyatini xalqimiz ravnaqiga xizmat qilishi uchun sharoit hozirlash hukumatimizning bosh maqsadlaridan biridir.

P.S. O‘zbekiston jazoni ijro etish muassasalaridan kelayotgan xabarlarga ko‘ra, oxirgi kunlarga mahkumlarga munosabat o‘zgargan, avvalgi og‘ir jazo choralari qaytayotgani kuzatilmoqda. Shuningdek, nazorat ham qat’iylashgani aytilmoqda.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан