Yamanda Arabiston yarim orolida tashkil topgan «Al-Qoida» terroristik guruhining rahbari Xolid Batarfi hibsga olingan. Operatsiya monitoring guruhining BMT Xavfsizlik Kengashiga taqdim etgan hisobotidan kelib chiqqan holda, bu voqea o‘tgan yili oktyabr oyida sodir bo‘lgan.

«Arabiston yarim orolidagi «Al-Qoida» guruhi 2020 yil oxirida jiddiy muammolarga duch keldi. Uning yetakchisi Xolid Batarfi oktyabr oyida Al-Mahra viloyatidagi Al-Gayda shahrida hibsga olingan», - deyiladi hujjatda.

Xuddi shu amaliyot vaqtida rahbar o‘rinbosari Saad Atef al-Avlaki o‘ldirilgan.

2018 yilning kuzida AQSh Davlat departamenti Batarfini qo‘lga kiritishda yordam beradigan ma’lumot uchun mukofotlarni 5 million dollardan 10 million dollargacha oshirganligini e’lon qilgan edi.

Arabiston yarim orolidagi Al-Qoida guruhi 2009 yilda tashkil topgan va asosan Yamanda faoliyat yuritadi. Turli xil manbalarga ko‘ra, 2011 yil sentyabrgacha uni hukumat kuchlari bilan jangda yoki Amerika zarbasi natijasida o‘ldirilgan Anvar al-Avlaki boshqargan.