Albaniyada yuz bergan zilzila oqibatida vafot etganlar soni 23 nafarga yetdi. Bu haqda Albaniyaning Faktor nashri xabar bermoqda.
So‘nggi ma’lumotlarga ko‘ra, jabrlanganlar soni 659 nafarga yetgan.
Ta’kidlanishicha, vayronalar ostida odamlar bo‘lishi, qurbonlar soni yana ortishi mumkin.
26 noyabr kuni 6,4 ball magnitudali zilzila epitsentri poytaxt Tiranadan 30 km masofada, 20 km chuqurlikda bo‘lgan.
Kuchli zilzila ortidan bir necha kichikroq titrash sodir bo‘lgan. Ularning ikkitasi magnitudasi 5,1 hamda 5,4 ballni tashkil qilgan.