«Kapitalbank» aksiyadorlik jamiyati banki 215,3 mlrd so‘mlik 65,97 mln dona aksiyalarining qo‘shimcha emissiyasini joylashtirdi.
Tashkilotning ushbu aksiyalarini Rossiyaning USM Holdings kompaniyasi sho‘ba korxonasi «Telekominvest» MChJ sotib oldi. Ushbu kompaniyaning 49% ulushi Alisher Usmonovga tegishli hisoblanadi.
Qayd etilishicha, «Kapitalbank» ATB fond birjasi va qimmatli qog‘ozlar bozorining professional ishtirokchisi hisoblanadi. Joriy yilda tashkilot O‘zbekistonda valyuta birjasining birinchi market-meykeri bo‘ldi.
Avvalroq, Prezidentning kuyovi Oybek Tursunov «Kapitalbank» ustavidagi 112,49 mln aksiyalarini sotib olib, o‘zining jami ulushini 50 foizga yetkazgan edi.