AQSh mudofaa vaziri Mark Esper koronavirus tufayli O‘zbekiston, Pokiston va Hindistonga safarini keyinroqqa qoldirishga qaror qildi. Bu haqda Pentagon vakili Alissa Fara ma’lum qildi.

"Yehtiyot choralar sifatida Mudofaa vaziri Esper Hindiston, O‘zbekiston va Pokistonga safarini keyinga qoldirishga, AQShda qolishga va Mudofaa vazirligining koronavirusga qarshi kurashishda yordam berishga qaror qildi", - dedi Fara o‘z tvitterida.

Out of an abundance of caution, Secretary of Defense @EsperDOD has decided to postpone his travel to India, Uzbekistan, and Pakistan until a later date to remain in the U.S. to help manage the @DeptofDefense response to Coronavirus.

— Alyssa Farah (@PentagonPresSec) March 10, 2020

Eslatib o‘tamiz koronavirus xavfi tufayli O‘zbekistonda qator xalqaro forumlar va yirik anjumanlar bekor qilinmoqda — “ Tashkent Law Spring” II Xalqaro yuridik forumi, Toshkent xalqaro investitsiya forumi.

Bundan tashqari O‘zbekistonda barcha sport musobaqalari va xalqaro tadbirlar ham to‘xtatildi.

Shu bilan birga, O‘zbekiston rasmiylari hali ham koronavirus tufayli Navro‘z bayramini bekor qilish to‘g‘risida qaror qabul qilishmagan.

Mavzuga doir: Qozog‘iston prezidenti 8 mart bayram tadbirlarini bekor qildi