London politsiyasi Minneapolisda vafot etgan afro-amerikalik Jorj Floydni xotirlash uchun o‘tkazilgan namoyish paytida 23 kishini hibsga oldi.

"Bugun London markazidagi miting paytida hibsga olinganlarning umumiy soni 23 nafarni tashkil etadi, ularning barchasi turli xil jinoyatlar uchun hibsga olingan", - deyiladi politsiyaning tvitter sahifasida.

Hozirda ularning barchasi hibsda saqlanmoqda. 

Floydning o‘limidan kelib chiqqan norozilik va talonchilik AQShning bir qator shtatlarida davom etmoqda. Tartibsizliklar boshlanganidan so‘ng, to‘rt nafar politsiyachi ishdan bo‘shatilgan, ulardan biri ehtiyotsizlik tufayli qotillikda ayblangan.