Xarkov yaqinidagi An-26 halokatidan omon qolgan yagona ukrainalik kursant 20 yoshli Vyacheslav Zolochevskiy TSN kanaliga bergan intervyusida so‘nggi parvoz va fojiadan keyingi dastlabki daqiqalar haqida gapirib berdi.

Hozir kursant Xarkov harbiy kasalxonasida. Yigitning miya chayqalishi, ko‘karishlar va kuyishlar bor.

Yigitning so‘zlariga ko‘ra, An-26 bortida kursantlar navigatsiya, dvigatellarni ishga tushirish, radioaloqa aloqalarini o‘zlashtirishgan. Salonda 20 nafar kursant va yana yetti nafar ekipaj a’zosi bo‘lgan. Uchuvchi kabinasi qatorida o‘tirgan Vyacheslav, parvoz odatdagidek davom etayotganini, g‘ayrioddiy narsa yo‘qligini ta’kidladi. Halokatdan keyin u yonayotgan samolyot ichida bo‘lganini tushundi.

"Men boshimni urib olgam bo‘lsam kerak", - deb eslaydi mo‘jizaviy ravishda omon qolgan kursant. Zolochevskiy nima bo‘layotganini tushunolmagan. Uning so‘zlariga ko‘ra, hamma narsa kompyuter o‘yinidagi epizodga o‘xshab ko‘ringan.

Yigit fyuzelyajda ezilib ketdi, ehtimol bu uni qattiq kuyishdan xalos qildi. U ichkaridan sudralib chiqishga muvaffaq bo‘ldi. Vujudi alanga bilan o‘ralgan do‘stini qutqarishga harakat qildi. "Men uni o‘chirishga harakat qildim. Keyin boshqalar yugurib chiqib, uni o‘chirishdi - hammasi shu", - deydi kursant.

Aviahalokatda Vyacheslav 12 kursdoshidam ayrildi. Davolanishdan so‘ng, kursant ukrain harbiy havo kuchlarining Xarkov universitetida o‘qishni davom ettiradimi yoki yo‘qmi bilmaydi. "Bilmayman. Balki ha, balki yo‘q. Avvalo davolanish kerak", - dedi u.

25 sentyabr oqshomida Xarkov viloyatining Chuguyev shahri yaqinida Ukrainaning An-26 harbiy samolyoti yaqinlashayotganda qulab yong‘in sodir bo‘ldi. Hammasi bo‘lib bortda 27 kishi - yetti ekipaj a’zosi va 20 kursant bo‘lgan. Faqat bitta odam tirik qoldi.

Ukraina Davlat tergov byurosi bosh tergov bo‘limi boshlig‘i Maksim Borchakovskiyning ta’kidlashicha, tergov avval e’lon qilingan to‘rtta versiyaga qaratilgan: texnik nosozlik, ekipaj xatosi, parvozga tayyorgarlik guruhining xatosi va samolyotni noto‘g‘ri ta’mirlash.