Hodisa oqibatida shaharning ayrim hududlarida elektr ta’minoti uzilgan. Energetika vazirligining habar qilishicha, Andijon shahrini elektr energiyasi bilan ta’minlovchi yuqori kuchlanishli 110 kV elektr uzatish tarmog‘iga yashin tushishi natijasida shaharning ayrim hududlarida elektr ta’minotida uzilishlar kuzatilmoqda.
Hozirda tezkor guruh tomonidan ushbu nosozlikni bartaraf etish ishlari olib borilmoqda. Ta’mirlash ishlari yakunlangandan so‘ng, elektr ta’minoti qisqa fursatda qayta tiklanadi.
“Keltirilgan noqulayliklar uchun iste’molchilardan uzr so‘raymiz”, deyiladi rasmiy xabarda.