Adijon viloyati Buloqboshi tumanida mast erkak 3 yoshli go‘dakning ustiga qaynoq suv quyib yubordi. Bu haqda "Zamon" informatsion dasturida xabar berildi.
Ma’lum qilinishicha, erkakning bunday jinoyatga qo‘l urishiga birgina talabining bajarilmagani sabab bo‘lgan.
Joriy yilning 10 yanvardan 11 yanvarga o‘tar kechasi soat 2:00 da erkak masat holatda o‘z uyida ijarada yashayotgan ayolning xonasiga kiradi. Shahvoniy nafsini qondirish maqsadida ayolga nojo‘ya taklif bildiradi. Ojiza esa buni rad etgan.
Voqelar rivojiga ko‘ra, shundan keyin quyushqondan chiqqan erkak ayolning 2018 yilda tug‘ilgan qiziga qaynoq suv quyib, og‘ir tan jarohati yetkazgan. Qizaloq og‘ir kuyish jarohatidan vafot etgan.
Mazkur jinoyat ishi sudda ko‘rib chiqildi va erkakka 8 yilga ozodlikdan mahrum qilish jazosini tayinladi.