22 mart kuni soat 07:35larda, Andijon viloyati, Andijon shahar, Boburshoh va A.Musayev ko‘chalari kesishgan chorrahada, haydovchi, 1990 yilda tug‘ilgan I.Yu. boshqaruvidagi "Damas" rusumli hamda haydovchi 1996 yilda tug‘ilgan B.T. boshqaruvida bo‘lgan "Matiz" rusumli avtomobillar ishtirokida to‘qnashuv sodir bo‘lib, zarb oqibatida "Damas" rusumli avtomobil ag‘darilgan. Bu haqda O‘zbekiston Respublikasi IIV YHXBB Axborot xizmati xabar bermoqda.
Hodisa natijasida, "Damas" rusumli avtomobil yo‘lovchisiga birinchi tez tibbiy yordam ko‘rsatilgan.
Mazkur YTH yuzasidan Andijon shahar IIO FMB YHXB tomonidan surishtiruv harakatlari olib borilmoqda.