26 oktyabr kuni Andijon viloyatining Asaka tumanida to‘rtta avtomobil ishtirokida yo‘l-transport hodisasi sodir bo‘ldi. Bu haqda Yo‘l harakati xavfsizligi bosh boshqarmasi matbuot xizmati xabar berdi.

Ma’lumotlarga ko‘ra, voqea Asaka-Farg‘ona yo‘lida sodir bo‘lgan. 1998 yilda tug‘ilgan haydovchi "Damas", 1965 yilda tug‘ilgan haydovchi boshqaruvidagi "Matiz", 1994 yilda tug‘ilgan haydovchi boshqaruvidagi "Damas" va 1992 yilda tug‘ilgan haydovchi boshqaruvidagi "Kia Bongo" avtomobillari o‘zaro to‘qnashgan.

Hodisa oqibatida hech kim jabrlanmagan. Mazkur yo‘l-transport hodisasi yuzasidan surishtiruv harakatlari olib borilmoqda.