Surxondaryo viloyati hokimligida videoselektor tarzida o‘tgan hokimlik soati yig‘ilishida «Raqamli O‘zbekiston – 2030» strategiyasini amalga oshirishga doir me’yoriy-huquqiy hujjatlar ijrosi muhokama etildi. Viloyat hokimi To‘ra Bobolov bu borada erishilayotgan natijalarni e’tirof etgan holda joylarda sustkashlikka yo‘l qo‘yayotgan ayrim mutasaddilar faoliyatini keskin tanqid qildi.

«Raqamli O‘zbekiston – 2030» strategiyasi doirasida 2020 yilda Angor va Sho‘rchi tumanlarini raqamli transformatsiya qilish bo‘yicha loyihalarni amalga oshirishda xato va kamchiliklarga yo‘l qo‘ygani uchun mazkur tumanlar hokimlari intizomiy jazoga tortildi.

Yig‘ilishda, shuningdek, viloyatda eksport prognoz parametrlarining bajarilishi, «Temir daftar» va «Yoshlar daftari»ga kiritilgan fuqarolar bilan ishlash holati atroflicha tahlil qilindi. Bu borada belgilangan vazifalar ijrosi, mavjud muammolar va ularni hal etish, shuningdek, kun tartibidagi boshqa masalalar yuzasidan mutasaddilarga ko‘rsatma berilib, tegishli chora-tadbirlar belgilandi.