Bosh prokuratura huzuridagi Departamentning Angren shahar bo‘limi tomonidan o‘tkazilgan tergovga qadar tekshiruvda, Angren shahar obodonlashtirish boshqarmasi sobiq rahbari A.I., «A.S.» MChJ rahbari X.I., «J.T.» MChJ rahbari J.A. va boshqalar 2019 yilda shaharda amalga oshirilgan obodonlashtirish ishlarida smetada nazarda tutilgan ishlarning to‘liq bajarilmaganligi natijasida,byudjetdan ajratilgan 638,3 mln so‘mni o‘zlashtirish yo‘li bilan talon-toroj qilganliklari aniqlangan. Bu haqida Bosh prokuratura matbuot xizmati xabariga tayanib Darakchi.uz yozmoqda.
Mazkur holat yuzasidan A.I. va boshqalarga nisbatan Jinoyat kodeksining 167-moddasi 3-qismi va 207-moddasi bilan jinoyat ishi qo‘zg‘atilib, tergov harakatlari o‘tkazilmoqda.