Apple hammuassisi Stiv Voznyak kriptovalyuta firibgarligiga yordam bergani YouTube videoxostingi ustidan sudga murojaat qildi. Uning ta’kidlashicha, kompaniya bir necha bor murojaat qilganiga qaramay, bir necha oy davomida uning rasmidan foydalanayotgan firibgarlar videolarini olib tashlamagan. 

Cotchett, Piter & McCarthy, LLP Stiv Voznyak va yana 17 da’vogar nomidan Kaliforniya shtatidagi San-Mateo okrug sudiga da’vo arizasini berdi. Da’vo ishi video xizmatning firibgarlikda Voznyakning o‘zi, Tesla asoschisi Ilon Mask, Microsoft asoschisi Bill Geyts va boshqa taniqli shaxslarning rasmlaridan foydalangan holda bitkoinlarni "tarqatish" ustidan shikoyat qilishdan iborat.

Ta’kidlanishicha, firibgarlar o‘z obunachilariga cheklangan vaqt davomida kriptovalyuta jo‘natishni taklif qilishdi va buning evaziga ikki baravar ko‘proq pul to‘lashni va’da qilishadi. Aslida, hech kim ularga hech narsa qaytarmaydi va Maskning bitta fotosurati firibgarlarga 2 million dollar daromad keltirdi. "YouTube, Google (Alphabet holding) singari, algoritmlarga tayanadi va bunday vaziyatlarda zarur bo‘lgan maxsus dasturiy ta’minotni ishlab chiqarishga ko‘p harakat qilmaydi. Agar YouTube kutilganidek javob berganida, bizda shikoyatlar bo‘lmas edi", - dedi Stiv Voznyak. 

YouTube va Google nafaqat choralar ko‘rish haqidagi iltimoslarni e’tiborsiz qoldiribgina qolmay, ataylab videoga maqsadli reklamalarni joylashtirib, natijada firibgarlar ishidan foyda ko‘rishmoqda, deya qo‘shimcha qildi Voz. Bu esa Stiv Voznyakning obro‘siga putur etkazgan deb da’vo qilinmoqda. Da’vogarlar videoni darhol olib tashlashni, foydalanuvchilarni firibgarliklar to‘g‘risida ogohlantirishni va bunga yo‘l qo‘ygan kompaniyalarni jarimaga tortishni talab qilmoqdalar.

Fox Business'ga intevyu bergan Google vakilining aytishicha, YouTube o‘z tarmog‘idagi noqonuniy harakatlarga qarshi kurashmoqda, 2,2 milliondan ortiq videolarni o‘chirib tashladi va spam, firibgarlik va boshqa noqonuniy harakatlar uchun 1,7 milliondan ortiq sahifalarni yopdi.

Shunga o‘xshash firibgarlik avvalroq Twitter ijtimoiy tarmog‘i bilan ham yuz bergan edi. O‘shanda firibgarlar taniqli insonlar va kompaniyalar, jumladan Ilon Mask, Barak Obama, Apple'larning Twitter sahifalarini buzib kirib, ular nomidan obunachilardan ko‘rsatilgan kriptohamyonga kriptovalyutada pul o‘tkazishlarini va ma’lum vaqt o‘tgach bu pullar ikki karra ko‘paytirib qaytarilishi haqida tvitlar qoldirishgan edi. 

"Tvitterda 130 ta mashhur akkauntlar buzilganida, mutaxassislar bir kun ichida firibgarlikni to‘xtatdilar. Bundan farqli o‘laroq, YouTube ataylab bitkoin firibgarliklariga bir necha oylar davom etishiga ruxsat berdi", - deydi Voznyakning advokati.