Tadbirda har doimgidek dasturiy mahsulotga asosiy o‘rin ajratiladi. Ammo ikkita qurilma ham kun tartibidan o‘rin olganini aytib o‘tish joiz.
MacOS
OS Apple nomi o‘zgarganligi haqida ilgari aytib o‘tilgan. Yangi macOSning e’tiborga molik jihati Siri ovoz assistentini qo‘llashidir. Shuningdek, Apple "Foto" ilovasini ham yangiladi.
iOS 10
iOS 10ning diqqatni tortadigan tarafi yangilangan App Store 2.0 sanaladi. Dizayni va "bildirishnomalar" funksiyasi kichik o‘zgarishga yuz tutadi. Qoraytirilgan interfeys rejimi tatbiq etilishi ehtimoli bor.
Apple Music
Apple musiqaviy xizmati ham boshqacha ko‘rinish olishi kutilmoqda. Dizayni o‘zgaradi va interfeysi soddalashadi.
MacBook Pro
MacBook Pro noutbuklar bo‘g‘imi bu yilda umuman o‘zgarmagan mahsulotlar sirasiga kiradi. Gap-so‘zlarga ko‘ra, protsessori, sensor paneli o‘zgarishi mumkin, bir emas, to‘rtta USB-C ulagich paydo bo‘lishi ehtimoli mavjud. Korpus dizayni 2013 yildan beri o‘zgarmaganligiga e’tibor qaratsak, balki yangi shaklda chiqariladi.
USB-C Display
Applening tashqi displeyi naq besh yildan beri o‘zgargani yo‘q. Demak bugun ayni payti.
Bularning barchasi Apple taqdimotidan kutadigan yangiliklar taxmini edi xolos. O‘z tasdig‘ini topadimi-yo‘qmi - bugun kechqurun aniq bo‘ladi.