Agar vaksinasi yetarli darajada xavfsiz va samarali bo‘lsa, AQSh hukumati Pfizer va BioNTech tomonidan ishlab chiqilgan kelajakdagi koronavirus vaksinasini ishlab chiqarish va tashish uchun 1,95 milliard dollar to‘laydi.
AQSh Sog‘liqni saqlash vazirligining ta’kidlashicha, amerikaliklar vaksinani muvaffaqiyatli sinovlar va litsenziyani olgandan so‘ng bepul olishadi. Pfizer preparatni davlat tomonidan belgilangan joylarda yetkazib beradi. Ta’kidlanishicha, kompaniya bilan kelishuvga binoan AQSh yana 500 million dozani sotib olishi mumkin.
Germaniya BioNTech biotexnologiya kompaniyasi va Pfizer farmatsevtika kompaniyasi koronavirusga qarshi eksperimental vaksinaning qo‘shimcha sinovlarining muvaffaqiyatli natijalarini e’lon qildi.
AQSh vaksinalarini sotib olish haqidagi xabar tufayli Pfizer aksiyalari 4% dan ko‘proq va BioNTech esa 6% ga qimmatladi. Bungacha Buyuk Britaniya 30 million dozada BioNTech/ Pfizer eksperimental vaksinasini olishga kelishuv e’lon qilgan edi.