1 noyabr kuni Amerika Qo‘shma Shtatlarining Kasalliklarni nazorat qilish va oldini olish markazlari (Senters for disease control and prevention) tomonidan butun dunyo bo‘ylab COVID-19 ga chalinish xavfi ko‘rsatkichlari aks etgan ro‘yxatni.
Unda O‘zbekiston kasallanish holatlari noma’lum mamlakatlar ro‘yxatiga kirgan.
«O‘zbekistondagi hozirgi vaziyat noma’lum bo‘lgani uchun hatto to‘liq emlangan sayohatchilar ham COVID-19 virusini yuqtirish va tarqalish xavfi ostida bo‘lishi mumkin», — deyiladi izohda.
Mazkur ro‘yxatda Markaziy Osiyodan Qozog‘iston, Tojikiston, Turkmaniston ham o‘rin olgan.
«Ushbu manzillarga sayohat qilishdan saqlaning. Agar siz ushbu manzillarga sayohat qilishingiz kerak bo‘lsa, sayohatdan oldin to‘liq emlanganingizga ishonch hosil qiling», — deya qayd etdi CDC.
Qirg‘iziston esa yuqtirish xavfi past bo‘lgan davlatlar ro‘yxatiga kiritilgan.