AQSh prezidenti Jo Bayden Amerika kompaniyalarini neft qazib olishni ko‘paytirishga chaqirdi. Bu haqda BBC news manbasi xabar bermoqda.
Uning ta’kidlashicha, neft narxining yuqoriligi yonilg‘i quyish shoxobchasidagi amerikaliklarga zarba bergan. "Men bu qanchalik og‘riqli ekanligini bilaman", dedi Bayden va kelajakda ishlab chiqariluvchi toza energiya amerikaliklarga yonilg‘i narxining oshishi bilan kurashishda ko‘maklashishini ta’kidladi.
U AQShda gaz narxining oshishini bevosita Putinning Ukrainaga bostirib kirishi bilan bog‘ladi va bir necha bor gaz narxining ko‘tarilishini "Putin narxining oshishi" deb atadi:
"Sababi — Putin urushi. Va endi dunyo bo‘ylab ko‘pchilik rus neftini sotib olmayapti. Men Amerikaga Rossiya neftini import qilishni taqiqlaganman. O‘shanda bu qimmatga tushishini aytgandim. Rossiya nefti jahon bozorini tark etar ekan, neft yetkazib berish darajasi pasaymoqda, narxlar esa ko‘tarilmoqda", — deydi u.